Светски дизајнери

Стан на спокојот и уметноста


Овој стан кој се простира на повеќе нивоа е дизајниран од архитектот Neave Brown. Во него се употребени и совршено искомбинирани робусни, топли и чисти материјали како дрво, камен, стакло и мармолеум*, со што станува една хармонична целина. Боите во станот се смирени, со акцент на деталите во живи бои со што тој добива безвремен и стилски изглед.

Во приземјето се сместени канцеларии на дизајн студио, на првиот кат се наоѓаат спалните соби, а најгоре, каде има и најубав поглед, е просторот за дневен престој. Во дизајнот на станот се вметнати многу современи уметнички дела, кои го привлекуваат вниманието во спокојното опкружување.


мармолеум* - материјал за подови кој се изработува од природни материјали. Не предизвикува здравствени проблеми, издржлив е и со долг век на траење.

Сподели

  на почеток