Оваа билка има големи темнозелени листови кои се длабоко изрежани и шупливи во средината. Таа бара многу место бидејќи може да порасне до 3 метри, но за тоа ќе и треба долго време бидејќи во текот на годината има само 2-3 нови листови.
Може да ја чувате на засенето место, на пример во аголот на просторијата.
Потребно и е малку вода, па затоа во текот на летото залевајте ја на секои 5-6 дена, а во зима на секои 10-12 дена. Залевањето зависи од топлината на просторијата во која се наоѓа, но и од големината на садот во кој е насадена. Можете повремено да ги оросувате листовите, а задолжително чистете ги со влажна крпа или сунѓер придржувајќи ги од долната страна за да не се оштетат.
Прихранувајте ја еднаш месечно со вода во која сте додале течно ѓубриво за собни лисести растенија.
Бидејќи монстерата е всушност голем ползавец, како полесно би растела ставете стап во саксијата за кој ќе ја врзете и ќе и овозможите полесно да расте. Таа има воздушни корени кои во природата и овозможуваат полесно да расте. Не ги режете, туку пробајте да ги насочите кон земјата, како би се закорениле и на тој начин и ќе биде постабилна.
Се размножува со помош на резници од врвот. Во рана пролет, одрежете го врвот со два листа и ставете го во вода додека не пушти коренчиња, а потоа насадете го во земја. Матичната билка без проблем ќе продолжи да расте иако сте и го одрежале врвот.
Младите листови не се изрежани и немаат дупки. Ако не ги добијат шуплините дури и кога ќе ја сменат бојата, тоа значи дека и недостига светлина и храна.