Распонот на сјајност на боите е голем и се движи од најрапавите, па сè до исклучително сјајните. Изборот зависи од функцијата на просторијата, како и од состојбата на површината која сe боjaдисува.
Мат боја – може да делува малку рапаво, но е одличен избор за прикривање на несовршенствата на ѕидовите. Сепак, површините прекриени со ваков тип на боја, доколку се извалкаат се проблематични за чистење.
“Лушпа на јајце” (анг. eggshell) – има благ сјај, а површините со ваква боја лесно се чистат.
Се употребува како внатрешна боја и има степен на сјајност кој се движи помеѓу мат и сјај.
Сатен – ваквата боја на ѕидовите им дава помалку свиленкаст изглед. Погодна е за фреквентни простории како што е дневна соба, детската соба, бањата или кујната. Ѕидовите со оваа боја лесно се чистат, но несовршеностите на нив тешко се дотеруваат бидејќи разликата на сјајноста на бојата се забележува.
Полусјајна боја – издржлива е и лесно се чисти, а погодна е и за дрвени површини како што се вратите, кои често се гребат и оштетуваат. Исто како и сатен бојата, грешките на површините тешко се прикриваат поради тоа што разликата во сјајноста лесно се забележува.
Високо сјајна боја – дава многу сјајна завршница и не се препорачува за боење на ѕидови бидејќи секоја неправилност на ѕидот се забележува. Погодна е за боење на дрвени површини, како што се елементите во кујната или во бањата. Исто така, лесно се чисти и прилично е издржлива.