Типови на аспиратор

Постојат различни модели на кујнски аспиратори: класични (поставени под елементот), вградбени (поставени во самиот кујнски елемент), на извлекување, камински, островски и аголни. Без разлика за кој тип станува збор, секој од нив иста функција: одведување на пареите од готвењето, со што се добива чиста кујна и воздух во неа. Притоа, секој кујнски аспиратор има мотор кој го овозможува вовлекувањето на воздухот, филтри за прочистување на воздухот и осветлување.

Класичен, вградбен и аспиратор на извлекување

Камински, островски и аголен аспиратор

Начин на работа - според начинот на работа може да се поделат на два вида:

Аспиратор со одведување на воздух - вентилаторот ги вовлекува пареите кои настануваат при готвењето во кујната, па преку филтерот ги “турка” во одводната цевка која оди надвор од кујната, а филтерот ги задржува масните честички во пареата. Така кујната останува чиста, без масни честички и непријатни мириси. Одводот не смее да се насочува во оџак или вентилација која се употребува за друга намена

Аспиратор со кружење на воздух - вентилаторот ја вовлекува пареата која настанува при готвењето, па преку филтерот и дополнителниот јаглен филтер прочистена ја враќа назад во просторот. Јаглениот филтер ги задржува мирисите и потребно е да се менува на одреден временски период.


Филтри - Некои аспиратори содржат хартиен филтер кој исто така е потребно да се менува, а кај оние кои имаат метален филтер е овозможено негово миење и повторно употреба на истиот. Притоа, тој треба редовно да се мие бидејќи доколку дојде до прекумерно наталожување на мастите, постои опасност мастите да почнат да горат и на тој начин да се оштети аспираторот. Металниот филтер може да се измие и во машина за миење садови. Ако филтерот е многу масен, не го мијте со останатите садови. При рачно миење на филтерот, оставете го неколку минути во вода со детергент, а потоа оставете го да се исуши.


Степен на бучава - Кратка одводна цевка и глатка површина се предусловите за помала бучава. Исто така, доколку пречникот на цевката е поголем, бучавата е помала. Се препорачува пречникот да изнесува 150 mm или барем 120 mm.

Ако аспираторот го приклучуваме на вентилација која ја користат повеќе станови, добро е да се вгради одвод со затворање од надворешната страна, што ќе спречи поврат на воздух.

Oд безбедносни причини важно е да се запази висината на поставување на аспираторот. Помеѓу долниот раб на аспираторот и електричната (или плинската) плоча за готвење треба да има растојани од најмалку 65 cm.