За време на летните горештини, на располагање стојат повеќе начини како да го направиме просторот попријатен за престој, а најприменувани начини се употребата на клима уред или вентилатор.

За да има помалку дилеми околу изборот, треба да се има предвид дека ладењето со клима уред функционира со разладување на водухот во просторијата, додека вентилаторот само предизвикува струење кое создава чувство дека температурата во просторијата е пониска од реалната.

Затоа, доколку треба да постигнеме мало разладување, вентилаторот може да ја одигра улогата.

Како предности кои ги има вентилаторот во однос на клима уредот е едноставната инсталација, драстично помалата потрошувачка на електрична енергија, поздрав е за користење, нема потреба од одржување, пренослив е и има пониска цена за чинење.

Сепак, доколку станува збор за надминување на поголеми температурни разлики, клима уредот е соодветниот избор.

  на почеток