Просторот во кој домуваме го прилагодуваме според нашите желби и потреби, а кога во семејството имаме мали членови, треба и нивните навики и афинитети да се земат предвид.

Најпрво треба да се знае дека концептот на отворен простор, во кој кујната, трпезаријата и дневната соба се визуелно поврзани, е соодветен за семејство со мали деца. На тој начин родителите може да ги имаат децата на око.

Во домот добро е да нема големи елементи за да се олесни нивното движење, а пожелно е да има одреден дел од просторот потполно празен за да им се овозможи непречена игра. За да се избегне нередот, потребно е да се има простор за складирање на играчките кога не се во употреба.

Потребно е да се изберат издржливи материјали за покуќнината кои се лесни за одржување или замена. Така на пример, кај перниците добро е да имаат навлаки кои може да се извадат и исперат.

Кожната гарнитурата за седење е лесна за одржување и пребришување, но треба да се внимава на дамки од пенкала и фломастери кои не се чистат лесно.

За да се спречи повредување на децата при палавата игра, најдобро е кога парчињата мебел немаат остри рабови и агли, туку тие се заоблени. Доколку сепак има таков мебел во домот, како масата, полиците, плакарите, треба да заштитат со заоблени, еластични елементи поставени на острите агли и рабови.

  на почеток