Виолетовата боја, според истражување спроведено во Велика Британија, носи најмалку сон. Таа ја стимулира работата на мозокот и ја поттикнува креативноста, поради што потешко се паѓа во сон.
Доминантната црвената боја во спалната исто така е непријател на сонот - таа влијае на забрзување на работата на срцето и крвниот притисок, што претставува пречка при заспивањето.
Кафените, сивите, како и златните тонови, не се толку изразени непријатели на сонот како црвената и виолетовата, но не се најповолниот избор кога станува збор за нивното влијание врз желбата за сон.
Човечкото око има клетки кои се чувствителни на боите. Податоците за боите се пренесуваат во делот на мозокот кој има улога во креирањето на расположението. Ова треба да се има предвид во изборот на доминантните бои во спалната соба.
