За да се постави плакар непосредно зад заглавјето на креветот, со што се добива функционално решение во услови на ограничен простор, тој треба да биде конструиран во изведба која наликува на мост.

Оваа парче мебел треба да има одредени модификации за да не ја преплави спалната или детската соба. Тој треба да биде поплиток од стандардната длабочина која изнесува од 55 до 60 cm, па затоа најдобро е затворените елементи да служат за одложување на облеката, а не за закачување.

Ваквиот плакар најчесто се изработува од плочест мебел. Тој зафаќа поголем дел од ѕидот, па затоа тој е пожелно да е со посветли нијанси со мотив на дрво или пак во бела боја.

За да креветот не навлезе предалеку во плакарот, може да се постават полици кои ќе бидат дополнителен простор за поставување на предмети.

Мостот-плакар може да се создаде многу интересен амбиент доколку се постават интересни тапети или иверка со разиграна текстура зад заглавјето.

Фронтовите на плакарот може да бидат на лизгачи или на шарки.

  на почеток