Доколку сакате да ги декорирате вашите радијатори со маска, треба да се има предвид дека покрај естетската, треба да бидe запазена и функционалната страна.

Облогите претежно се изработуваат од дрво и медијапан, како и од иверка. Маската може да биде положена или да биде подигната на ногарки.

Димензиите на маската треба да ги следат димензиите на радијаторот, но зголемени за 15 cm од страните и по висина. Овој празен простор овозможува полесно циркулација на воздухот и подобро загревање на просторот. Притоа, студениот воздух кој е потежок влегува од доле се загрева и излегува од горната страна на маската.

Димензиите на отворите треба да бидат доволно големи за да има лесен проток на воздух. Од оваа причина добро решение се маските со отвори на предната или на горната плоча на маската. Доколку има еден отвор од горе, совет е неговата височина да биде најмалку 10 cm, a доколку има повеќе хоризонтални или вертикални отвори, добро е тие да бидат најмалку 3 cm.

Еве неколку изведби на маски за радијатори:

  на почеток