На пазарот сè е поголем бројот на мали станови кои немаат дефинирано место за трпезарија. Сепак, и во мал простор може да се создаде убаво место за обедување.

За ова потребно е да се определи соодветно катче и прикладен мебел за таа намена.

Трпезаријата може да биде дефинирана во рамките кујната, при што треба секој сантиметар од просторот да биде внимателно искористен.

Наместо столици поставете клупа за седење, под која дополнително може да има простор за складирање. Клупата во однос на класичните столици зазема помалку простор, а просторот под неа може корисно да се употреби.

Наместо класичната маса, до ѕидот да се постави мала маса, на пример со димензија 75 x 75 cm. Особено погодна за мали трпезарии е масата, т.н. пеперутка, која со подигнување на крилата може да ја удвои својата должина. Со оваа трансформација на неа може да обедуваат 3 или 4 лица.

  на почеток