Ламинат

Ламинатните подови се состојат од следните конструкциски слоеви (гледано од горе па надолe):

• украсен слој и слој против абење од меламинска смола (кој е прозирен, со дебелина помала од 1 mm). Меламинот е пластика која содржи алдехиди или кетони. Овие супстанции хемиски веќе се интегрирани, но под дејство на влагата или веднаш после вградувањето можат да се ослободуваат во воздухот во помали количества.

• декоративно испечатена хартија (илустрација на дрво, камен, мермер и сл).

• носива плоча од MDF, пресувана иверка со дебелина од приближно 6mm

• заштитен слој (меламинска смола за заштита од влага)

 

Предности на ламинатните подови се:

• пониска цена во однос на готовиот паркет, но и неминовно помал век на траење во однос на истиот.

• цврстина

• лесно одржување и чистење, што е предност за луѓето кои се осетливи на алергии

• мала конструкциска висина, така да и стариот под често се остава под ламинатниот под

 

Треба да се обрне внимание на следното:

• Ламинатите не ја сакаат влагата. Таа може да продре низ ивиците на носечкиот слој, што предизвикува нивно набабрување. Затоа: правосмукалката и метлата се доволни во нормални услови, а со мокра крпа да се брише само во одредени случаи и тоа со слабо навлажнета крпа.

• Брусење на оштетувањата на површината не е можно. Ламинатите се осетливи на удари и на напрегање поради дупчење.