Плочките со разнобојни мотиви ќе внесат живост во кујната и ќе ја создадат весела атмосфера. Ѕидот во кујната како најзабележлив дел од неа е одлично место за нивно поставување. Еве неколку убави примери од Purpura чии плочки се достапни во различни стилови и бои – од ретро до модерни, од монохроматски до поживи. На нивната веб-страна е поставена апликација за комбинирање на плочките.
Исклучително убави се Patchwork плочките на студиото ArtTiles од Данска, дело на дизајнерите Trine Galschiot and Anette Normark. Тие дизајнираат од секој мотив по 50 плочки, а потоа преоѓаат на друг мотив, со што нивните колекции постојано се менуваат.
