Кујната отсекогаш била важен дел од просторот во домот, а со најновите трендови нејзиното значење е уште повеќе нагласено. Таа не е само место каде што се подготвува храната, туку и простор каде се обедува, дружи, па дури и се минува слободното време.

Таа е поврзана со дневната соба, па така целото семејство може да биде заедно и кога се подготвува ручекот, вечерата и сл. Во неа скоро неизоставен дел е шанкот, островот или трпезариската маса.

Од материјалите доминира дрвото со својот природен изглед кој ја потенцира еколошката страна. Присутни се и обоеното стакло, како и медијапанот во мат верзија.

Работната плоча е од камен или од композитни материјали кои наликуваат на бетон, мермер, бакар ...

Често присутни се отворените делови во елементите од кујната, која ќе внесе динамика и визуелно ќе ја намали кујната. Тие овозможуваат и да се постави цвеќе или други декоративни предмети. Особено тука е погодно комбинирање на повеќе материјали, како и комбинирање на бои.

За оние кои сакаат подинамични кујни, во тренд е комбинирање на разни бои – топло бела, нијанси на кафе или сиви тонови со детали во сина, портокалова, жолта, црвена ...

Минималистичките фронти без рачки се доминантни, но има и со исклучително нагласени рачки. Кујнските уреди се ненаметливи, а аспираторите се скриени или пак исклучително нагласени со што имаат декоративна улога.

  на почеток