Се За Домот | Трендови на уредување во 2018 година

Трендови на уредување во 2018 година

Доколку планирате да направите одредени промени или освежување на домот, еве неколку насоки што е актуелно во 2018 година кога станува збор за уредување на ентериерот.

Галериски ѕид, односно повеќе слики поставени на него, е дефинитивно популарен елемент во најновите трендови во 2018 година.

Терацото како подна облога оваа година е во тренд. Таа беше популарна во седумдесеттите, а сега е повторно „ин“. Станува збор за мазна подлога која најчесто се состои од парчиња мермер и стакло поставени на свежа бетонска површина. После сушењето се бруси и се поставува заштитен слој. Мотивот на терацото исто така е застапен во уредувањето на кујните, бањите и други простории.

Користењето на метални нијанси и материјали и понатаму е во тренд, како на бакарот, месингот, среброто и други, а особено нивното комбинирање.

Кога станува збор за бањите, тие наликуваат на спа центри, со растенија, клупи и несекојдневни кади.

Украсувањето на таванот, со боја или со текстура е актуелно во новите трендови.

Растенијата со шари на листовите се многу актуелни кога станува збор за изборот на растенија во домот.

на почеток