Софата во честерфилд стил е класично парче мебел кое датира од 18-тиот век, но и денес е во тренд.

Честерфилд софите се атрактивни, но истовремено и особено удобни. Најпозната е верзијата од кожа во кафена боја, нијанса на коњак. Широките заоблени наслони за рацете и заоблениот наслон на грбот се во иста висина, а заштитен знак на Честерфилд софата се длабоко втиснатите копчиња.

Името на софата потекнува од Англија, односно е поврзано со лордот Phillip Stanhope, четвртиот благородник на Честерфилд, кој нарачал изработка на софа на која ќе може да се седи удобно, а притоа облеката да не се гужва. Софата многу години зазема истакнато место во Лондонскиот Џентлмен клуб.

Честерфилд софата е инспирација и за создавање на други парчиња мебел, како фотелји, клупи со наслон, столици за нишање и др.

  на почеток