Вашиот немирен дух секогаш е во потрага по нови визуелни доживувања? Сакате промени во просторот каде што живеете и секогаш сте подготвени за нови предизвици? Тогаш, овој пат поиграјте си со шаренилото на есента и со неколку едноставни детали ќе направите нов и атрактивен амбиент.

Практично просторија може да биде украсена со есенски декорации. За уредување, играјте со боите и со материјалите. Комбинирајте ги прекривките, перничињата, теписите, притоа не заборавајќи на плодовите на природата.

Незаобиколните костени, ореви, тикви, шишарки, мандарини, јаболка, лисја, па дури и суво цвеќе ќе го направат вашиот простор романтичен и топол.

Обојте мала дрвена рамка и на неа поставете лисја или цвет и закачете ја на ѕидот или ставете ја на полица.

Наполнете ја плетената корпа, поставете ја на маса или на подот, додајте некоја свеќа, поставете клавчиња на полицата или на вратата.

Боите на есента по природа се топли, пастелни и неутрални, па може да се комбинираат практично со секоја боја. Богатите кафени нијанси, чоколадните тонови од светло до темно чоколадо, како и одредени нијанси на темна црвена и виолетово-црвена боја ја будат сензуалноста и создаваат чувство на топлина.

Дрвото е незаобиколен детаљ – природен, едноставен и оригинален, поради единственоста на секое парче дрво.

На столиците нафрлете кебенца, дебели, меки перници или пак парчиња вештачко крзно кои одлично ќе се вклопат во опкружувањето.

На масата ставете мали украсни тикви, желади, лешници или костени, па така, во релаксирана атмосфера, со топла напивка во раката, одморајте во убавината на есента.