Се За Домот | За совршена елка

За совршена елка

Украсената елката е највпечатлив елемент на новогодишното декорирање

Декорирањето на новогодишна елка е највпечатливиот момент во новогодишна декорација на вашиот дом. Но дали ви се случило игличките од елката да почнат да опаѓаат уште пред почетокот на Новата година? Како одсечената елка да се одржи свежа? Кога ќе ја донесете елката дома, изрежете го долу стеблото повторно, за да се задржи свежината и веднаш потоа ставете го во вода. Дрвото кое нема свежо исечено стебло потешко впива вода, што допринесува да се забрза процесот на опаѓање на игличките.

Доколку купената елка не планирате веднаш да ја внесете во домот, чувајте ја на место каде нема да биде изложена на многу ниски тепмератури, ветер или сончеви зраци.

Прихранување на елката

Доколку сте во можност, наместо одсечена елка, купете елка со бусен, која после празниците може да ја засадите на некоја локација.

За здрав изглед и за подолг век на елката неопходно е да и се обезбеди прихрана. Таков еден коктел за прихрана може да се добиете доколку 1 децилитар скробен сируп и една кафена лажичка течен избелувач ставите во 3 децилитри вода. Имено, течниот избелувач допринесува за подобра апсорбција на сирупот, а сирупот содржи хранливи материи кои делуваат освежувачки на растението. Доколку не сте во можност да набавите сируп, заменете го со шеќер. Важна напомена: оваа смеса е отровна за луѓето.

Фази и начин на украсување

Кога се украсува елката, за да се постигне најдобар ефект, треба да се запази следниот редослед на поставување на украсните елементи:

• светилки
• венци и ленти
• останати украси

Иако на прв поглед можеби изгледа небитно, важно е и кој дел од елката прв ќе почне да се украсува. Имено, елката ќе изгледа многу подобро ако се почне со украсување во нејзиниот внатрешен дел, а потоа да се украсува надворешниот дел. На тој начин, елката ќе биде украсена порамномерно и ќе делува побогато.

Најдобро е светилките први да се постават на елката

Ускладеност

Интензитетот на украсувањето, односно бројот на украсите, ќе биде определен од вашиот вкус и афинитетите, но сепак совет е и во тоа да се има мерка. Украсите треба да бидат ускладени, како во однос на големината, така и во однос на бојата. За да елката не биде прешарена, употребувајте најмногу три различни бои на украсите. Вака украсената елка, со додадени светилки, ќе има попрефинет изглед. Лампионите, како и декоративните ленти, треба да бидат рамномерно распоредени на елката. Украсите со црвената и златната боја прават одлична комбинација, која надополнета со светло-сини елементи, ќе и даде модерен изглед на новогодишната елка. На крај на декорирањето, оддалечете се од дрвото и погледнете го, за да подобро ги забележите евентуалните неправилности и навреме да ги корегирате.

Црвена и златна кобинација со допир на светло-сина за модерен изглед

на почеток