Се За Домот | Убавината на подните ламби

Убавината на подните ламби

Осветлувањето, како еден од главните елементи при уредувањето на домот, освен функционалната улога, носи со себе улога на декоратер. Ова особено е карактеристично за подните ламби.

Подните ламби со себе носат многу доблести – тие се флексибилни, може лесно да се преместуваат во зависност од потребите, како и од промените на распоредот на мебелот. Тие со својата вертикална поставеност му даваат акцент на просторот, каде што останатите елементи во ентериерот се на приближно исто ниво.

NYC

Генерално постојат подни светилки кои даваат амбиентално осветлување и “работни” кои се наменети за читање, пишување и слично, а од намената треба да зависи изборот.

Подната ламба може да се користи за осветлување на влезниот простор, спалните соби, понекогаш и терасите, но најчесто се среќава во дневните соби. Иако во дневната соба има таванско осветлување, подните ламби се оние кои нудат топла, пријатна и опуштена атмосфера, слично како и столните ламби.

Maseiro

Тие даваат светлина во пониската зона од таванското осветлување, а ова е особено погодно за читање, разговор, дружење.

Подните ламби со насочена светлина надолу се соодветни за читање или други работни активности.

При гледањето телевизија, погодни се ламбите со намален интензитет на светлина, со цел да се намали напорот на очите поради брзата промена на исклучително светли и исклучително темни сцени.

Дизајнот на ламбата треба да биде интересен и преку ден, односно кога не е вклучена, па затоа при изборот треба да се земе предвид околниот амбиент, боите на ѕидовите, мебелот, стилот на уредување.

Modu Luce

NYC

Myyour

на почеток