Декорирање со креп хартија

Потребно е да набавите три ролни креп хартија во различни бои, лепило за хартија (да не биде пресилно) или лак за дрво, и четкичка.

Исечете ја креп хартијата на парчиња. Со четкичката нанесете на саксијата лак за дрво или лепило.

Доколку употребувате лепило, нека не биде пресилно бидејќи ќе ја симне бојата од креп хартијата. Лепете ги парчињата харија едно покрај друго, сè додека не се покрие целата саксија.

Декорирање со коноп

За овој вид на украсување потребно е коноп, лепило, бои (акрилни или спреј).

Конопот обоете го во неколку бои, а кога бојата ќе се исуши, обвиткајте го конопот околу саксијата, на тој начин што истовремено и ќе го лепите на саксијата.

Декорирање со туфни

Потребно е да набавите акрилни или темперни бои, и четкички.

Обојте ја саксијата во една боја. Со молив нацртајте туфни со еднакви димензии по ваш избор. Обојте ги туфните во друга боја.

Вака украсена саксија може да се добие и на друг начин. Прво обојте ја, па потоа од самолеплива хартија направете туфни. Залепете ги по саксијата, па обојте ја неа во друга боја. Кога бојата ќе се исуши, одлепете ја хартијата и ќе се покажат туфните.