Едноставна ниска комода и два обични стола може да се освежат со секогаш актуелна црно-бела комбинација. Овој пат ќе употребиме остатоци од ѕидни тапети и шаблони.


Комода

Материјал и прибор:

• остатоци од ѕидни тапети
• лепило за дрво (drvofix)
• црна акрилна боја
• скалпел и ножици
• потенка и подебела четка за боење
• проѕирен лак за завршен премаз со нитро база


Постапка:

Корпусот на комодата ја обојуваме во црно. Тоа го правиме во два слоја, чекајќи околу два часа првиот слој да се исуши. Тапетата ја кроиме според фиоките и ја залепуваме со лепило за дрво. Останатите рачки се во црна боја, но по желба може да ги обоите во бело или дури и во некоја интензивна боја, на пример, црвена.

Кога и фиоките ќе се исушат, сè заедно треба да се прелакира со еден слој заштитен од проѕирен мат лак на нитро база.


Столови

Доколку имате два обични бели стола, и на нив може да им подарите B&W look со помош на шаблон.

Материјал и прибор:

• црна акрилна боја
• шаблон со мотив на ластари
• четка
• сунѓерче
• проѕирен лак за завршен премаз на нитро база

Постапка:

Седалото и наслонот на столот оставете ги бели, а сите останати делови на столицата обоите ги со црна боја. Шаблонот прилепете го на седалото на столот, а потоа со сунѓерче нежно нанесувајте црна боја за да се обои дрвото. Оваа постапка повторете ја и на наслонот на столот.

Кога ќе завршите и кога потполно ќе се исушат, прелакирајте ги со лак за да дополнително ги заштитите од абење.