Во домот може да уживате и во жуборот на фонтаната. Собната фонтана овозможува овлажување и јонизирање на воздухот околу себе, правејќи го на тој начин просторот попријатен за престој.

Малите собни фонтани може да бидат со различни облици и димензии, а ќе презентираме како да направите сами една собна фонтана во комбинација со растенија.


Потребен материјал: декоративен сад, водонепропусен сад, земја за цвеќе, камен, чакал, пумпа за вода, црево.




Во соодветен декоративен сад (керамички, пластичен) сипете земја за цвеќе.




За резервоар во кој ќе стои пумпата може да употребите било каков водонепропусен сад.




Садот втиснете го во земјата, внимавајќи притоа нејзиниот раб да биде малку повисок од нивото на земјата во која ќе се садат растенијата.




Посадете ги растенијата.




Низ шупливиот или продупчен камен провлечете го цревото.




Каменот со пумпа внесете го во резервоарот. За да не паѓа, прицврстете го со помош на чакал.




Резервоарот наполнете го со вода, а пумпата вклучете ја во струја. Редовно долевајте вода во резервоарот за да пумпата не работи на суво.