Се За Домот | Направи сам: висечки полици

Направи сам: висечки полици

Доколку ви се допаѓаат овие полици, може и вие самите да ги изработите и да ги поставите во вашата дневна соба, кујна, детска соба или друга просторија.

Потребни материјали и алати:

• коноп - со должина околу 10 m и дебелина околу 2 cm;.
• дрвени типли – се купуваат готови, а може и сами да ги изработите со должина околу 5 cm;.
• даски – треба да имаат димензија 70 x 30 cm, 4 парчиња од масивно дрво;
• боја за дрво и четка;
• метална кука.

Постапка:

На даските кои ќе послужат како полици треба да се издупчат 4 отвори, кои треба да бидат доволно широки за да може непречено да пројде конопот. Доколку сакате може да ги обоите во боја по избор.

Со остри ножици исечете две парчиња коноп со претходно измерена должина.

Откога ќе го провлечете конопот низ отворите, на краевите врзете цврсти јазли. Измерите го растојанието меѓу полиците, па провлечете низ конопот типли кои ќе овозможат полиците да стојат хоризонтално.

Кога полицата е готова, треба на ѕидот да се постави метална кука која ќе биде доволно голема за да ја држи полицата со предметите кои ќе бидат поставени на неа.

на почеток