Релативно брзо и лесно може сами да направите аголна масичка којa ќе биде идеална за поставување во било кој агол од вашиот дом. Таа нема да зазема многу простор, а може да послужи и како полица за цвеќе или некој друг украс.


Потребни материјали и алати:

- медијапан со дебелина 22 mm
- сребрена боја
- брусна хартија, лепило за дрво
- убодна пила
- четка за боење
- триаголник, линијар
- молив, коноп, клинци


Постапка:

Шаблонот за ногарките на аголната масичка е прикажан на сликата. Аголната масичка е висока 72 cm. Прикажаниот шаблон за изработка на ногарките пропорционално зголемете ја за да секој квадрат на шаблонот е со димензија 5x5 cm. Кога ќе завршите со изработката на шаблонот, исечете го и прецртајте ги линиите на медијапан плочата. На долгата задна ивица исцртајте ја монтажната површина по дебелина на дрвото. Со пила исечете ги деловите на постолјето.

Потоа исечете ја плочата на масичката која претставува четвртина од круг. Радиусот изнесува 40 cm. Кружниот дел за пилење може да го означите со помош на дрвото со молив, коноп и клинец на следниот начин: заковајте клинец во медијапанот; едниот крај од конопот закачете го на клинецот, а на другиот заврзете молив; моливот држете го вертикално и исцртајте дел од кругот со агол 90°. Рабовите исечете ги со пила и измазнете ги со брусна хартија.

На крај, залепете ги сите делови од масичката со дрвени типли и обојте ја масичката во сребрена боја.