Пред да почнете со изработка, проверете дали имате се при рака:
• Работна површина - работна маса во работилница е најдобра, а ако работите во кујна или во дневната соба задолжително ставите некоја стара прекривка, парче платно или стари весници. Со ова ќе спречите силиконот (кој инаку многу добро се лепи на мазни површини) да не се залепи на вашата маса.
• Стакло – ако не сте многу вешти во сечењето на стаклото нека тоа ви го направи стаклар. Предната и задната страна треба да имаат иста должина, бочните страни да се со иста широчина на дното намалена за двојната дебелина на стаклото.
• Силикон – Користете нетоксичен 100% силикон. Силиконите со додатоци на антибактериски средства се штетни за рибите. Тој може да биде провиден, бел, црн или во боја – изберете Вие. Тој истотака мора да биде свеж!
• Ацетон
• Леплива лента
• Крпа за раце
• Помошник
Пред било што да почнете да работите, подгответе го стаклото. Стаклото после сечењето има остри ивици. Нема ни да осетите кога ќе се исечете. За да не се случи ова пред да почнете да работите со брусна хартија, фина турпија или со оштрач за ножеви поминете ги сите ивици на стаклото и симнете го оној остар дел на кој може да се исечете.
Кога тоа сте го направиле, потребно е да ги спарите страните на аквариумот. Предната и задната страна треба да бидат идентични, а исто така и бочните страни. Но тоа ретко се случува. Затоа земете ги бочните страни (кај нив ова е поважно), ставете ги една преку друга, а потоа ставите ги да стојат на рамна површина (на пример стаклото за дното). Ако ивиците не се во линија (не се поклопуваат, едната малку штрчи во однос на друга), заротирајте ја едната страна во однос на другата за 180 степени и пробајте сега да ги спарите. Ако повторно не успеете, свртете ја едната страна наопаку. Ако никако не успеете да ги спарите, исечете уште една нова страна.
После ова со ацетон избришете ги сите ивици на стаклото на кое доаѓа силикон. Ивиците мораат да бидат чисти и суви пред лепењето.
• Стаклото може да го исечете и сами, но стаклар тоа ќе го направи многу попрецизно.
• Бочните страни треба да стојат помеѓу задната и предната страна како што е прикажано на дијаграмот, а предната, задната и двете бочни страни ги поставувате на страната која служи како дно. На овој начин можат да се изработуваат аквариуми кои имаат волумен до 100 литри. Поголеми аквариуми се изработуваат на друг начин кој сега нема да го опишеме.
• На масата распоредете ги страните на аквариумот како што е прикажано на сликата: страна за дното е на средина, од лево и од десно се наоѓаат бочните страни, пред и позади страните се наоѓа предната и задната страна на аквариумот.
• Страните за напред претходна и страната за дното се со иста должина.
• Подгответе десетина парчиња леплива лента со должина од десетина сантиметри.
• Со црвена боја е означено на кои ивици се нанесува силиконот.
• Силиконот се нанесува со пиштол за силикон.
• Силиконот море да биде свеж. Тоа се препознава по тоа што е бистар и течен.
• Трудете се кога го нанесувате силиконот да нема прекини.
• Не смее да има места на ивицата на кои нема силикон.
• Дебелината на слојот силикон треба да биде со иста ширина како и дебелината на стаклото и малку потесна.
• Поставете прво една бочна страна
• Помошникот треба само благо да ја придржува да стои под агол од 90 степени во однос на дното.
• Ако имате два помошника тогаш може да ги поставите обете бочни страни.
• Страната треба да се најде на средината на страната за дно така да остане место од двете страни за предната и задната страна.
• Внимателно ставете ја предната страна на дното и при тоа страната треба да биде под агол.
• Кога долната ивица ќе дојде на свое место полека исправајте ја страната.
• Силикон на бочната ивица треба да налегне на бочната страна и убаво да ги залепи.
• Помошникот само треба со еден прст да го придржува спојот на страните одозгора.
• Другата бочна страна ја поставуваме така што ја ставаме на дно и ја прислонуваме на силикон кој се наоѓа на предната страна страна, а предната страна ја придржуваме да не побегне.
• Помошникот сега со другата рака го придржува и овој спој.
• Задната страна ја ставаме прво на дното под агол, а потоа ја исправаме со корекции на бочните страни ако е потребно) така да силиконот кој се наоѓа на нејзината ивица се залепи на бочната страна.
• Кога сите страни се на своите места, поставите леплива лента како што е прикажано на сликата.
• Лентата прво залепете ја на предната и задната страна, а потоа затегнете ја и залепете ја на бочната страна.
• Ако некоја страна малку побегнала, сега може да ја вратите на место.
• Кога сите страни се на свое место, со показалецот прејдете ги сите ивици на кои има силикон.
• Силиконот кој истекол на тој начин го залепуваме на страните и врската е уште посилна.
• Ако стаклото е подебело, па нема силикон кој истекол, прво со пиштол за силикон нанесуваме тенок слој на силикон.
• На силиконот му е потребно 5-10 минути да почне да се врзува, а потполно сув ќе биде во рок од 24-36 часа.
Типични грешки се:
• Погрешен тип на силикон или силиконот не е свеж.
• Недоволно силикон сте нанеле на ивиците.
• Не сте оставиле силиконот доволно да се осуши пред да го наполните аквариумот со вода.
• Стаклото не е исчистено и подготвено како треба.
• Страните не се еднакви или не се поставени под прав агол.
• Големата влажност го забавува сушењето на силиконот, па може да се случи страните да се поместат од своето место.
