Боите во домот

Портокалова во домот


Поради фактот дека на просторот му оддава енергија и интензитет, портокаловата боја е идеалнa за простории каде се предвидува зголемена активност.
Таа внесува топлина и гостопримливост во просторот.

Со внесување на живи бои како што е портокаловата, во просторија во која нема доволно природна светлина, истовремено се постигнува и визуелно зголемување на просторот.

Доколку барате брзо решение за просторија која изгледа моното, купете три портокали и ставете ги во сад на маса. Ваков сад или вазна во портокалова боја во просторијата внесуваат сјај, особено ако се поставени на маса од потемно дрво.

Еден од начините на комбинирање на портокаловата боја е нејзината употреба во комбинација со комплементарната сина боја, со што се создава простор со енергија која придвижува.

За создавање на контраст во просторот, идеални елементи се перници, драперии, аксесоари во портокалова боја.

Доколку се решите да ги обоите ѕидовите во портокалова боја, препорачливо е во просторијата да има што е можно повеќе декоративни детали во други бои. Исто така и присуството на белата боја е важно, поради нејзиното влијание врз омекнувањето на агресивната црта на портокаловата.

Како и за повеќето бои, така и за портокаловата боја важи – доколку се двоумите со која боја да ја искомбинирате, едно од решенијата побарајте го во природата, односно во плантажите на портокали каде таа е во совршена кобинација со зелената.