Се За Домот | 5 начини да декорирате со црвена боја

5 начини да декорирате со црвена боја

Црвената боја може да биде инспирација во домот, со услов да се употребува мудро. Еве неколку едноставни начини за употреба на црвената боја, без страв дека ќе се претера.

Црвени декоративни елементи

Повеќемината од нас не се облекуваат секојдневно во црвена боја од “глава до петици”, па зошто тогаш би го правеле тоа и со ѕидовите. Размислете за вашето преферирање на црвената боја во облекувањето и едноставно тоа пренесете го на ѕидовите. На пр. црвената кошула со некоја неутрална комбинација може да се споредува кога само еден ѕид е обоен во црвено или кога на неутрално обоениот ѕид е закачена црвена уметничка слика.

Кога станува збор за декорирање со црвена, внимавајте – “помалку” честопати е “повеќе”.

Обојте ја влезната врата

Боењето на влезната врата во црвена боја може од вашиот стан или куќа да направи објект кој ќе плени внимание, истовремено истакнувајќи ја особеноста на влезот во “вашиот” свет.

При изборот на нијанси посебно треба да се обрне внимание на стилот на уредување на ентериерот и бојата на околните ѕидови. Црвената е боја која, пред да се примени, мора добро да се осмисли, а ова најмногу се однесува на изборот на нејзината нијанса.

Црвен тапациран мебел

Црвената боја и симболично кога се применува, во неутралните ентериери внесува енергија.

Ако се одлучите за примена на црвената во поголема мерка, како на пр. црвената гарнитура за седење, погрижете се просторијата во која ќе биде поставен црвениот мебел да е доволно осветлена и пространа.

“Запалете” ја кујната со црвенета боја

Имајќи го предвид фактот дека дека црвената боја сама по себе е “врела”, нејзината примена во кујната треба да биде грижливо испланирана и, колку што е можно, сведена на минимум. Црвените лустери, столици или декоративните детали треба да бидат сосема доволни за да се задоволат потребите на поголеми кујнски простории.

Црвени прекривки

Црвената боја препорачливо е да ја има во одредени делови на просторија, а не во целата просторија. На овој начин, при тематското дефинирање на просторијата, не доаѓа до несакан ефект на агресивност.

Помала простирка или ќилим, по можност ориентален, е добар начин да се внесе црвената боја во ентериерот, поради доброто вклопување во скоро секој декор на домот.

на почеток