Цвеќе во вазна

За да цвеќето остане подолго време свежо, при менување на водата измијте ја вазната и во свежата вода ставете малку сол. Солта спречува развој на бактерии поради кои доаѓа до побрзо трулење на растенијата.


Тресење теписи

Теписите и простирките никогаш не ги тресете од лице, туку од опачина. Кога ќе завршите со тресењето, тепихот свртете го на лице и со метличка добро исчистете го, а потоа освежете го со млака вода.


Крива даска

Даската на која сечете лук со тек на време се криви. Исправувањето е едноставно. Треба да ја навлажните со вода, а потоа ставeте некој тежок предмет врз неа, кој ќе ја прекрие целата површина. Оставете ја така да стои 24 часа.


Топење лед

За да полесно и побрзо го истопите наталожениот лед во фрижидерот, употребете фен за сушење на коса. Претходно, секако, исклучете го фрижидерот.


Чистење душек

Не е добро душекот да се чука со прачката бидејќи така се кршат влакната со кои е наполнет. Бидејќи навлаките на душеците се направени од многу густо ткаен материјал, доволно е ако внимателно ги исчеткаме.


Еленска крпа

Доколку крпата од еленска кожа (за бришење прозорци) се вкрути, тоа значи дека се изгубила маснотијата поради испирањето во водата со детергенти. Во тој случај треба да се потопи во млака вода и добро да се истрие со добриот, стар, домашен сапун кој содржи маснотија. Кога ќе се направи добра пена, оставете ја така половина час, а потоа исперете ја во млака вода.


Скршено стакло

Доколку ви се скрши некој стаклен или керамички предмет, ситните скршени парчиња кои може да бидат опасни најлесно ќе ги соберете со навлажена памучна вата. Со неа поминете преку целата површина на која постои опасност да има заостанати скршеници – тие ќе се фатат на ватата. Потоа ватата замотајте ја во хартија од весник и фрлете ја.


Мачка

За да спречите мачката да ви престојува на било кој дел од мебелот, попрскајте го со вода во која сте ставиле лимонов сок. Мирисот на лимонот е одбивен за мачките.


Не го тегнете троседот

Ако нешто ви падне под троседот или на некое непристапно место, навлечете на цевката од правосмукалката најлон чорапа и извлечете го ситниот предмет.