Кујнските молци прават значително помалку штета од молците кои што го напаѓаат текстилот. Возрасните инсекти не предизвикуваат штета бидејќи се хранат со течна храна или вода. Сепак, тие ги инфицираат житарките, овошјето, оревите, зачините и сета сува храна.

Еве неколку совети за ослободување од оваа напаст:

Испразнете ги кујнските елементи и фиоките - oсновен чекор е да се испразнат сите кујнски елементи, фиоки и полиците. Ако можете, задолжително погледајте ја опачината на плакарот која најчесто е изработена од лесонит, кој како материјал може да претставува прехранбен артикл за нив. Добро исперете го со вода и некое средство за перење.

Погледајте ги кутиите со храна - oтворете ја секоја кутија со храна и вреќичка во која се наоѓа нешто за јадење: тесто, брашно, бисквити, мелени ореви, мак, презла, чоколада, гриз, пудинзи, грав, ориз, пченка ... Ако во било што видите молци, ларви, нешто како пајажина или грутчиња – фрлете ја храната! Таа сигурно е контаминирана со јајца од кои подоцна ќе израсната ларви, а од нив кујнски молци.

Дополнителен преглед - oсвен плакарите и фиоките, прегледајте ги ѕидовите, рамките на слики, вазните со суви цвеќе, сламени подлошки и слични предмети. Ако состојбата е сериозна, неретко може да се видат ларви и по ѕидовите. Во тој случај најдобро е ѕидовите да се обојат со нова боја.

Подготовка на храната - задолжително набавете тегли со поклопци коишто цврсто дихтуваат и не дозволуваат влез на штетниците. Освен практичноста, ќе ги намалите можностите за нов развој на молците. Артиклите чувајте ги во оригиналните пакувања додека да ги отворите, а потоа преместете ги во стаклени садови.

Алтернативна заштита - освен индустриските средства за заштита кои може да ги побарате во продавниците или аптеките, може да употребите и природни начини за превенција од кујнски молци. Помеѓу најраширните е лавандата која треба да се врзе во букетчиња и да се распореди во скриени места. Сушеното ореово лисје исто така има добар ефект, како и обичниот кромид.

Ако сакате да ги замените лентите од продавница на кои се лепат молците, пробајте со обичен двостран селотејп по чија средина ќе намачкате малку мед.