Основна цел на фенг шуи е да се создадат предуслови за природен тек на животната енергија на вселената – чи што ќе овозможи остварување на нашите цели и желби.

Чи може да биде позитивна или негативна. Позитивната чи енергија, или шенг чи, е бавна, блага енергија која тече како мирна река во рамнина. Никогаш не се движи праволиниски, туку полека меандрира, со тежнеење да остане и да се акумулира на местата каде што има добар фенг шуи.

Од друга страна, шар чи е негативна, брза енергија, која се движи како дива планинска река која носи сè пред себе, и предизвикува несреќа и деструкција. Според фенг шуи, најчеста манифестација на шар чи се тајни отровни стрели, невидливи млазови на негативна енергија кои делуваат негативно на просторот и на сите кои се наоѓаат во него.

Отровните стрели се создаваат на сите места каде има долга права линија, која е доволна за да се забрза енергијата и од позитивна да се претвори во негативна. Вакви места за создавање негативна енергија се сите видови на остри агли, аглите на предметите и ѕидовите, рабови на згради, видливи греди на таванот итн. Исто така, и долгите ходници имаат ист ефект како и ножот или иглата.

Како да се бориме против отровните стрели, односно негативната енергија? Според фенг шуи, треба да се придржуваме до едно правило – предметите кои не ги гледаме директно и непречено, не може да влијаат на нас. Така, ако нашиот дом гледа на раб на друга куќа или зграда, отровната стрела може да се блокира со поставување саксија цвеќе на прозорот или со садење на жива ограда и дрва во дворот. Слично може да се направи и ако дворот од куќата гледа на долга улица.

Ако е приодот до куќата долг, прав пат, потребно од страните да се засадат украсни растенија кои ќе ја наведат чи да меандрира и така да се избегнат отровните стрелки. Слично, пред влезот на просторија кој се наоѓа на крајот на долг ходник се поставува саксии со цвеќе околу кои ќе кружи енергијата.

Кога се во прашање видливи греди кои имаат остри рабови, под нив не треба да се поставува работна маса, гарнитура за седење или пак кревет. Најдобро е тие да се невидливи, а доколку гредите не можат да се сокријат, потребно е да се стават бамбусови стапови врзани со црвена лента да се хармонизира енергијата. Овој лек се користи и доколку таванот и ѕидовите не формираат прав агол, поради фактот што во фенг шуи не се поволни неправилните облици и агли.