Броевите во фенг шуи носат специфично значење, а ова важи и за оние кои се напишани на влезната врата на вашиот дом. Според фенг шуи, тие говорат за карактерот на вашиот дом.

Бидејќи во фенг шуи постојат само еднoцифрени броеви, кај броевите со повеќе цифри, цифрите едноставно се собираат, се додека не се добие едноцифрен број.

На пример, ако бројот на вашиот дом е 24, со собирање 2+4 се добива дека 6 е бројот на “карактерот” на вашиот дом.


Значење на броеви

Еден: независност, нов почеток, развојот на личноста, индивидуалноста, напредок и креативност.

Две: двојност, рамнотежа, јин и јанг, поларитетот, привлечност, среќа за парови, успешен брак меѓу спротивставени личности.

Три: ум, дух и тело, тројство, изразување, комуникација, забави, оптимизам, проширување и креативност.

Четири: безбедност, четирите главни елементи во рамнотежа, дисциплина, организација, продуктивност, работа.

Пет: слобода, промена, страст, љубопитност, возбуда, забава, авантура, импулсивност.

Шест: љубов, дом, уметност, великодушност, грижа за другите, деца.

Седум: внатрешен живот, мистицизам, седумте чакри, религиозност, духовност, ритуали и свечености, осамен пат, медитација.

Осум: моќ во физичка смисла, материјален просперитет, богатство, менаџмент, лидерство.

Девет: завршеток, хуманост, несебичност, мудрост, сочувство.