Се За Домот | Сауна во домот

Сауна во домот

Со зголемување на будноста на организмот, сауната позитивно влијае на општата состојба на духот и телото.

Во услови на сè подинамичен начин на живот, благотворната саунска терапија е сè попопуларна и попотребна. Телото во сауната наизменично се изложува на голема топлина и ладење. Температурата на горниот слој на воздухот во добро загреана сауна може да достигне и повеќе од 90°C, при што надворешната температура на кожата пораснува за десетина целзиусови степени, додека внатрешноста на телото се загрева за 1°C.

Така повишената температура го поттикнува организмот на бурна реакција, која позитивно влијае на здравјето на срцето и крвните садови. Исто така, сауната поволно влијае на подобрување на имунолошкиот систем, ослободување на телото од штетни материи и отрови, како и одржување на добра состојба на дишните патишта, а помага и при настинки и кашлици. Третманот во сауната делува превентивно и смирувачки на ревматските проблеми и главоболките, а позитивно влијае и на подвижноста на зглобовите.

Сауната може да се користи после понапорна физичка активност за намалување на млечната киселина во мускулите, која е предизвикувач на болката во заморените мускули.

Поради фактот дека телото опкужено со врел воздух силно се поти, сауната добро ги чисти порите, ја забрзува регенерацијата на кожата, помага во борбата против целулитот и прекумерната телесна тежина. Сауната помага при несоница или нервна напнатост, а го намалува и секојдневниот стрес.

Соодветно осветлување нуди попријатен амбиент

Сауната не е луксуз

Поволното влијание на сауната исклучиво зависи од доследно спроведениот ритуал. Сепак, нејзиното благотворно дејство се чувствува доколку сте подложени на третман барем трипати неделно, што значи дека најпрактично е да се има сауна дома. Денес тоа повеќе не е луксус бидејќи цените на сауните кои се изработуваат по нарачка се движат во рамките на масажните туш-кабини па нагоре, а постојат и мини-модели кои може лесно да се вклопат и во бањата.

За да сауната потполно се вклопи во вашиот секојдневен живот, пружајќи ви трајно задоволство, треба да се знае начинот на кој таа е конструирана и правилата за нејзино правилно функционирање.

Доколку немате доволно простор, па мора да ја вклопите во бањата, добро е да се избере модел кој не завзема поголем простор од два квадратни метри, иако оние кои имаат поголемо искуство ќе кажат дека сауната без лежалка сепак не нуди вистинско опуштање. Затоа при планирање добро е да се обезбеди барем простор од 2x2 m, односно 4 квадратни метри.

Реквизити за полевање со вода

Доколку градите засебна сауна, надвор од бањата, во непосредна близина мора да постои приклучок за вода и подната цевка да биде добро изолирана.

Кога бирате простор за сауна, испланирајте и постоење на прозорец, бидејќи важно е да се обезбеди пoстојан проток на чист воздух. Подот треба да биде рамен, а подната облога треба да биде лесна за чистење, па затоа керамичките плочки се најпогодна подна облога.

При монтажата на сауната треба да се обезбеди растојание од најмалку 5 сантиметри помеѓу страната на кабината и ѕидот, и најмалку 10 сантиметри помеѓу кровот на кабината и таванот на просторијата, што овозможува добро испарување и спречува директен пренос на топлината на таванот и ѕидовите. За сауни со силни грејачи, од 4 до 10kW, треба да се обезбеди трофазен струен прилкучок од 380 V, додека мини-сауната во бањата може да биде приклучена и на 220 V.

на почеток