Кинеското цвеќе на парите е еден од видовите Pilea кој се одгледува како собно растение. Поради своето потекло често се нарекува Кинески долар, а во народот е познато и како Медалјон или Слоново уво.

Ова растение е многу отпорно и лесно за одгледување. Затоа е вистински избор за почетници или оние кои немаат многу време да им посветат на своите билки. Стеблото му е дрвенесто, а листовите се темнозелени, тркалезни и имаат долги нежни петелки. Младите листови се сјајни и имаат интересна текстура, а ќе бидат поголеми ако го чувате на светло место или во полусенка, заштитено од директно сонце. На пролет цвета со ситни бели или бледо зелени цветчиња, кои понекогаш може да се сретнат и во розови нијанси.

Оптимална температура за да го одгледувате е од 22-24°С, а во лето може да го изнесете надвор. Најниска температура која може да ја поднесе е 10-12°С. Полевајте го редовно. Ако забележите дека листовите му венеат треба да го полевате почесто, а ако почнат да паѓаат смалете го количеството вода. Во периодот на вегетација прихранувајте го на секои 2 седмици со течно ѓубриво за лисести растенија.

Може да го пресадувате еднаш годишно во поголема саксија. Ако е потребно исечете ги старите листови, но внимавајте да го посадите во хумусна и влажна почва и овозможете му добра дренажа. Се размножува со млада фиданка или со делење на коренот, и тоа многу успешно.