Се За Домот | Нега на растенијата во зима

Нега на растенијата во зима

Љубителите на растенија во текот на зимата треба да им обрнат поголемо внимание. Иако домашните растенија целиот свој век го поминуваат во саксија, сепак бараат посебни услови кога надвор е студено. Негата на растенијата во студените денови е многу важна за да спремно се дочека пролетта.

Застаклени тераси

Идеално место во станот за чување на растенија преку зима е застаклена тераса каде температурата се движи од 15 до 20 Целзиусови степени. Ова е место каде температурата не е превисока поради радијатори, а каде има доволно светлина.

Провев

На растенијата не им годи провевот, бидејќи тој предизвикува намалување на температурата на воздухот, која како и претераното загревање може да биде штетна. Ова значи дека ни поставувањето на растенијата преблиску до радијаторот не е добро.

Пресадување

Во зимскиот период растенијата треба да мируваат. Што значи дека не е време за пресадување. Во случај да морате да пресадите некое растение, обезбедете нова земја и малку поголема саксија.

Полевање

Растенијата треба ретко да се полеваат, доволно за да земјата не биде потполно сува. Имено, на растенијата им претставува поголем проблем преголемата влажност отколку сушата. Исклучок се цикламите, азалеите и останати видови кои цветаат во зима, па така нив полевајте ги на два до три дена.

Светлината и кактусите

Светлината е исклучително битна за кактусите, па тие во тек на зимата треба да бидат во добро осончана просторија. Освен ова, не е потребно залевање на кактусите зиме за да процветаат напролет.

на почеток