Пријатните моменти во градината или балконот во летните месеци може да бидат нарушени од комарците, но доколку има растенија кои ги одбиваат, нема да успеат да го расипат уживањето.

Босилекот се користи како зачин, но неговиот мирис не го сакаат комарците, ниту пак мувите. Лесно успева во саксии кои може да се распоредат и покрај влезната врата, прозорците или на балкон за да се спречи влез на комарците во домот.

Маточината е растение од фамилијата мента со нежни бели цветови и нежен мирис на лимон. Таа делува релаксирачки на човекот, а одбивно на комарците и другите инсекти. Маточината сака сонце, но и влажна почва, па затоа најдобро е да се сади во саксии кои може да се поместуваат по потреба.

Мачкината трева е мирислива мента која ги привлекува мачките, но ги одбива сите видови на инсекти.

Лавандата е исклучително убаво растение кое внесува медитеранска атмосфера во дворот, но и карактеристичен мирис кој ги брка комарците и други инсекти.

Нането се користи за заштита од наезда на комарци, а ги растревожува и осите, мравките, мувите ...

Невенот со својот специфичен мирис не им се допаѓа на кoмарците, па доколку се постави близу влезната врата или отворен прозорец ќе спречи нивна наезда.

  на почеток