Минувањето на време во природа има благотворно влијание врз расположението и здравјето на човекот, а самата глетка на убавите, зелени пејзажи причинува задоволство. Навистина, тешко може да пронајдеме нешто што повеќе ќе не релаксира од прошетка во шума или призор на цветна ливада.

Меѓутоа, дали истото важи и за домашните растенија? Колку нашите зелени станари ни помагаат да се релаксираме и да бидеме поздрави?

Научните истражувања досега најчесто се спроведувани во канцеларии за да се утврди влијанието на собните растенија на микроклимата, како и на здравјето и расположението на луѓето кои во овие простории живеат и работат. Повеќе студии покажале дека типичните канцелариски проблеми, како што се замор, слаба концентрација, стресот и главоболки, се помалку изразени во канцеларии каде има зеленило.

Фикус

Се смета дека за тоа постојат неколку причини. Прво, растенијата ги апсорбираат звучните бранови, така што ослабува бучава, која претставува еден од главните проблеми во градовите. Најефективни се растенија со крупни или бројни и бујни лисја, како што се фикус и монстера. Растенијата докажано ја подобруваат микроклимата во собата така што ја зголемуваат влажноста и ја привлекуваат прашината. Тие произведуваат кислород, а истовремено и апсорбираат јаглерод диоксид и штетни материи од воздухот. Не треба да се потценува ни влијанието на самото нивно присуство. Долготрајното фокусирање на компјутерот ги замора очите, а растенијата со зелена боја помагаат да се одморат очите.

Монстера

Собните растенија ја зголемуваат влажноста во воздухот и во затворените простории. Во лето, поради ова, температурата во собите за одреден степен се намалува. Најдобри овлажувачи се растенијата со големи листови, како на пример, собната липа или собната папрат.

Интересно е да се спомене дека околу 97 отсто од водата која ја впива растението, испарува преку лисјата во околниот воздух. Многу ефикасно го влажи воздухот и растението водена палма. За сончевите летни денови голем примерок од вакво растение филтрира и по неколку литри вода. И за разлика од техничките овлажувачи, влагата што испарува од растенијата сигурно не содржи никакви микроорганизми.

Растенијата како филaдендронот, бршленот и драцената ја намалуваат концентрацијата на штетни материи во воздухот (кои потекнуваат од испарувањето од градежни материјали, теписи, бои или мебел), дури и од 50 до 70 отсто. Растенијата како што се сината алоа, клорофитумот и филадендронот ефикасно ги впиваат и неутрализираат формалдехидите.

Бршлен

Драцена

Водена палма

Современиот човек, во просек, речиси 90 отсто од времето го поминува во затворени простори, односно во неговиот дом и на работа. Ако веќе не можеме да бидеме меѓу растенија на отворено, донесете ги растенијата до вас.